Definicions
Alavetz :
Ala andicapada d'èsser totjorn sola. Pòt pas volar mas se passeja, de frasa en frasa, encoraja, los òmes de parlar.
Exemple : "Alavetz, la seguida. Alavetz, contunhi. Alavetz, voliái dire... Alavetz, sabi pas pus."
Ça que là :
Locucion totun per dire pr'aquò que pasmens e mai çò que precedís siá dich, quand meme cal pas oblidar ça que la d'i opausar çò que seguís.
Exemple : "Vendrai segurament. Ça que la, m'esperes pas."
Corbatàs :
Aucèl en costuma que pòrta cravatas e demanda moneda.
Exemple : "Ai pas pagat las talhas, los corbatasses van passar".
Parpalhon :
Aucèl leugièr coma una parpèla, colorat coma un parapluèja, duradís coma un sòmi envolat.
Exemple : " A volada de parpalhon, somia la canilha."
Poma d'amor :
Frucha deliciosa a la primièra bocada.
Tre la segonda so gost càmbia.
D'ont mai la manjas, d'ont mai ven amara.
A l'acabança t'empoisona.
Exemple : "L'ivèrn urosament lor estalvava las pomas d'amor".